தாய், சித்தப்பாவை அரிவாளால் வெட்டியவர் கைது

கபிஸ்தலம் அருகே உள்ள கணபதி அக்ரஹாரம் இளந்தோப்பு தெருவில் வசிப்பவர் தேவதாஸ். இவரது மகன் அபிலாஷ் (வயது 23). இவர் சம்பவத்தன்று தாய் பஞ்சவர்ணத்திடம் மது குடிப்பதற்கு பணம் கேட்டதாக தெரிகிறது. அதற்கு அவர் பணம் கொடுக்க மறுக்கவே தாய்க்கும், மகனுக்கும் தகராறு ஏற்பட்டது. அவர்களை அபிலாசின் சித்தப்பா முரளி சமாதானம் செய்ய முயன்றார். அப்போது ஆத்திரத்தில் தாய் மற்றும் சித்தப்பாவை அபிலாஷ் அரிவாளால் வெட்டினார். இதில் காயம் அடைந்த அவர்கள் 2 பேரும் தஞ்சை மருத்துவக்கல்லூரி ஆஸ்பத்திரியில் அனுமதிக்கப்பட்டு சிகிச்சை பெற்று வருகின்றனர். இதுகுறித்த புகாரின்பேரில், கபிஸ்தலம் போலீஸ் சப்-இன்ஸ்பெக்டர் முருகேசன், சிறப்பு சப்-இன்ஸ்பெக்டர் அன்பு நம்பியார் ஆகியோர் வழக்குப்பதிவு செய்து அபிலாசை கைது செய்தனர்.