அரிவாளை காட்டி பணம் பறித்தவர் கைது

பாளையங்கோட்டை மனக்காவலம்பிள்ளை நகரை சேர்ந்தவர் பெருமாள் (வயது 34). இவர் நேற்று முன்தினம் கே.டி.சி. நகர் மேம்பாலத்தின் கீழ் நின்று கொண்டிருந்தார்.

அப்போது உடன்குடி கிறிஸ்டியாநகரம் பெருமாள்புரத்தை சேர்ந்த செல்வகுமார் என்ற சாமுவேல் (35) என்பவர் அங்கு வந்தார். அவர், பெருமாளிடம் அரிவாளை காட்டி மிரட்டி ரூ.500 பறித்து சென்றதாக கூறப்படுகிறது. இதுகுறித்த புகாரின் பேரில் பாளையங்கோட்டை குற்றப்பிரிவு போலீஸ் இன்ஸ்பெக்டர் டேவிட் ரவிராஜன் மற்றும் போலீசார் வழக்குப்பதிவு செய்து, செல்வகுமாரை நேற்று கைது செய்தனர்.