மண்ணுளி பாம்பை வைத்திருந்தவர் கைது

மண்ணுளி பாம்பை வைத்திருந்தவர் கைது செய்யப்பட்டார்,

ஒடுகத்தூர் அருகே வெங்கனபாளையம் பகுதியில் ஒருவர் மண்ணுளி பாம்பை பிடித்து விற்பனைக்காக வீட்டில் பதுக்கி வைத்திருப்பதாக வனத்துறை அதிகாரிகளுக்கு ரகசிய தகவல் கிடைத்தது. வனச்சரகர் இந்து தலைமையில் வனக்காப்பாளர் கிருஷ்ணன், வனவர் வெங்கடேசன் ஆகியோர் கொண்ட குழுவினர் அந்தப் பகுதியில் தீவிர கண்காணிப்பில் ஈடுபட்டனர்.

அப்போது வெங்கனபாளையம் பகுதியைச் சேர்ந்த கோவிந்தசாமியின் மகன் பாபு (வயது 50) வீட்டில் மண்ணுளி பாம்பை பிளாஸ்டிக் பேரலில் பதுக்கி வைத்திருந்தது ெதரிந்தது. இதையடுத்து வனத்துறையினர் பிளாஸ்டிக் பேரல், மண்ணுளி பாம்பை பறிமுதல் செய்தனர். இதுதொடர்பாக பாபு கைது செய்யப்பட்டார். அவர் மீது வழக்குப்பதிவு செய்யப்பட்டுள்ளது.