இரும்பு கம்பிகள் திருடியவர் கைது

பாளையங்கோட்டை தெற்கு பஜார் தெருவில் கிறிஸ்தவ ஆலய கட்டுமான பணிகள் நடந்து வருகிறது. அங்கு முன்னீர்பள்ளத்தை சேர்ந்த அழகுமுத்து என்பவர் காவலாளியாக உள்ளார். நேற்று முன்தினம் இரவு இவர் பணியில் இருந்த போது மர்மநபர் சுமார் 20 கிலோ எடையுள்ள இரும்பு கம்பிகளை திருடிக் கொண்டு இருந்தார். இதனை பார்த்த அழகுமுத்து அந்த நபரை பிடித்து பாளையங்கோட்டை குற்றப்பிரிவு போலீசில் ஒப்படைத்தார். போலீசார் நடத்திய விசாரணையில் அவர் திருமலைகொழுந்துபுரத்தை சேர்ந்த செல்லத்துரை (வயது 47) என்பது தெரியவந்தது. இதனையடுத்து போலீசார் வழக்குப்பதிவு செய்து அவரை கைது செய்தனர்.