வாலிபரின் செல்போனை திருடியவர் கைது

போடி பஸ் நிலையம் அருகே தனியார் மருத்துவமனை உள்ளது. இந்த மருத்துவமனையில் உள்ள மருந்தகத்தில் கோட்டைச்சாமி (வயது 35) என்பவர் வேலை பார்த்து வருகிறார். நேற்று முன்தினம் அங்கு ஒருவர் மருந்து வாங்க வந்தார். அப்போது அவர் கோட்டைச்சாமியிடம் பேச்சு கொடுத்து கொண்டு அவரது செல்போனை திருடி விட்டு தப்பி செல்ல முயன்றார். இதைக்கண்ட கோட்டைச்சாமி அருகில் இருந்தவர்கள் உதவியுடன் அவரை மடக்கி பிடித்தார். பின்னர் அவரை போடி நகர் போலீஸ் நிலையத்தில் ஒப்படைத்தார். விசாரணையில் அவர் கோம்பையை சேர்ந்த முருகன் (50) என்பது தெரியவந்தது. இதையடுத்து போலீசார் வழக்குப்பதிவு செய்து அவரை கைது செய்தனர்.