நர்சை பலாத்காரம் செய்ய முயன்றவர் கைது

அரியலூர் மாவட்டம் செந்துறை ரெயில்வே நிலையம் பகுதியை சேர்ந்தவர் விஜயபாரதி. இவர் நேற்று முன்தினம் செந்துறை அரசு பொது மருத்துவமனையில் சிகிச்சை பெற்று வரும் தனது அண்ணனை பார்க்க வந்தார். அப்போது பணியில் இருந்த நர்சு ஒருவர் அவர் ஏற்கனவே சிகிச்சை பெற்று வீடு திரும்பியதாக கூறியுள்ளார். இதையடுத்து அவர் அங்கிருந்து புறப்பட்டு சென்றார்.

இந்தநிலையில் நள்ளிரவு மீண்டும் மருத்துவமனைக்கு வந்த விஜயபாரதி மருத்துவமனை வாயில் கதையை மூடிவிட்டு நர்சை பலாத்காரம் செய்ய முயன்றுள்ளார். இதில் அதிர்ச்சி அடைந்த அவர் கதவை திறந்து கூச்சலிடவே மருத்துவமனை ஊழியர்கள் திரண்டு வந்து அவரை காப்பாற்றி உள்ளனர். இந்த சம்பவம் குறித்து செந்துறை போலீசார் வழக்குப்பதிவு செய்து விஜயபாரதியை கைது செய்து சிறையில் அடைத்தனர்.