கொலை வழக்கில் தலைமறைவாக இருந்தவர் கைது

முசிறி அருகே சொரியம்பட்டி குடித்தெருவை சேர்ந்தவர் செல்லம்மாள் (வயது 68). இவர் கடந்த 2012-ம் ஆண்டு கொலை செய்யப்பட்டார். மேலும் அவரிடம் இருந்த 1½ பவுன் நகை கொள்ளையடிக்கப்பட்டது. இந்த சம்பவம் தொடர்பாக முசிறி போலீசார் வழக்குப்பதிவு செய்து கோவை மாவட்டம் கவுண்டம்பாளையம் பகுதியைச் சேர்ந்த தேவராஜ் என்பவரை கைது செய்தனர். அதன் பின்னர் அவர் மீது கோர்ட்டில் வழக்கு தொடுக்கப்பட்டது. இந்த நிலையில் அவர் கடந்த 2019-ம் ஆண்டு முதல் வழக்கு விசாரணைக்கு கோர்ட்டில் ஆஜராகாமல் தலைமறைவானார். இதைத்தொடர்ந்து அவரை கைது செய்ய முசிறி துணை போலீஸ் சூப்பிரண்டு யாஸ்மின் உத்தரவின் பேரில் தனிப்படை அமைக்கப்பட்டது. இந்த நிலையில் நாமக்கல் மாவட்டம் மோகனூரில், பதுங்கியிருந்த தேவராஜை தனிப்படை போலீசார் கைது செய்தனர்.