மாடியில் இருந்து தவறி விழுந்த கொத்தனார் பலி

தென்தாமரைகுளம்,

தென்தாமரைகுளம் அய்யாகோவில் தெருவை சேர்ந்தவர் முருகன் (வயது45), கொத்தனார். இவர் சம்பவத்தன்று தென்தாமரைகுளத்தில் ஒருவரது வீடு கட்டும் வேலைக்கு சென்றார். அங்கு முதல் மாடியில் வேலை செய்து கொண்டிருந்த போது எதிர்பாராத விதமாக நிலை தடுமாறி கீழே விழுந்தார். இதில் பலத்த காயமடைந்த அவரை சக தொழிலாளர்கள் மீட்டு ஆசாரிபள்ளம் அரசு ஆஸ்பத்திரியில் சிகிச்சைக்காக சேர்த்தனர். அங்கு அவருக்கு தீவிர சிகிச்சை அளிக்கப்பட்டு வந்தது. இந்தநிலையில் சிகிச்சை பலனின்றி முருகன் நேற்று பரிதாபமாக இறந்தார். இதுகுறித்து அவரது மனைவி பாஞ்சாலி அளித்த புகாரின் பேரில் தென்தாமரைகுளம் போலீசார் வழக்குப்பதிவு செய்து விசாரணை நடத்தி வருகின்றனர்.