தீயில் கருகி மூதாட்டி பலி

பூஜை செய்ய விளக்கு ஏற்றிய போது, தீயில் கருகி மூதாட்டி இறந்தார். மற்றொரு சம்பவத்தில் தாய் இறந்த துக்கத்தில் வாலிபர் தற்கொலை செய்து கொண்டார்.

பூஜை செய்ய...

திருச்சி, கே.கே. நகர், சுந்தர் நகர், 5-வது கிராசை சேர்ந்தவர் சரசு (வயது 60). இவருக்கு திருமணமாகவில்லை. இவர் வீட்டில் தனியாக வசித்து வந்தார். இந்த நிலையில் கடந்த 20-ந் தேதி வீட்டில் பூஜை செய்வதற்காக விளக்கு ஏற்றினார்.

அப்போது எதிர்பாராத விதமாக அவர் மீது தீப்பற்றிக் கொண்டது. இதை கண்ட அக்கம் பக்கத்தினர் அவரை மீட்டு சிகிச்சைக்காக திருச்சி அரசு ஆஸ்பத்திரியில் சேர்த்தனர். அங்கு அவர் நேற்று சிகிச்சை பலன்இன்றி இறந்தார். இது குறித்த புகாரின் பேரில் கே.கே.நகர் போலீசார் வழக்குப்பதிவு செய்து விசாரணை நடத்தி வருகிறார்.

வாலிபர் தற்கொலை

திருச்சி அரியமங்கலம் காந்தி தெருவை சேர்ந்தவர் சிவகுமார். இவரது மகன் கிஷோர் (24). இவரது தாய் சமீபத்தில் இறந்து விட்டார். இதனால் மனமுடைந்து காணப்பட்ட கிஷோர் நேற்று முன்தினம் வீட்டில் யாரும் இல்லாத நேரத்தில் தூக்குப்போட்டு தற்கொலை செய்து கொண்டார். இது குறித்த புகாரின் பேரில் அரியமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.