தந்தை இறந்த நாளில் தேர்வு எழுதிய மாணவி 397 மதிப்பெண் பெற்று சாதனை

கே.வி.குப்பத்தை அடுத்த நாட்டார் பட்டியைச் சேர்ந்தவர் வெங்கடேசன். இறைச்சி கடை நடத்தி வந்தார். இவர் கடந்த மாதம் 18-ந் தேதி மின்சாரம் தாக்கி பலியானார். இவரது மகள் நிகிலா கே.வி.குப்பம் அரசு மகளிர் மேல்நிலைப் பள்ளியில் 10-ம் வகுப்பு அரசு பொதுத்தேர்வு எழுதி வந்தார். தன்னுடைய தந்தை இறந்தபோதும் என்று பள்ளிக்கு சென்று ஆங்கில தேர்வு எழுதி விட்டு, பிற்பகலில் நடைபெற்ற தந்தையின் இறுதிச் சடங்கில் கலந்து கொண்டார்.

இந்த நிலையில் 10-ம் வகுப்பு தேர்வு முடிவுகள் வெளியானது. அதில் மாணவி நிகிலா 500-க்கு 397 மதிப்பெண் பெற்று உள்ளார். தந்தை இறந்தநாளில் எழுதிய ஆங்கில பாடத்தில் 91 மதிப்பெண் எடுத்துள்ளார். இதை அறிந்த பள்ளித் தலைமை ஆசிரியர், துணை தலைமை ஆசிரியர்கள் உள்ளிட்டோர் மாணவி நிகிலாவைப் பாராட்டினர்.