உண்டியல் காணிக்கை எண்ணும் பணி

சாத்தூர்,

இருக்கன்குடி மாரியம்மன் கோவிலில் உண்டியல் காணிக்கை எண்ணும் பணி நடந்தது. அதன்படி 10 உண்டியல்கள், கோசாலை உண்டியல் 1 திறக்கப்பட்டு எண்ணப்பட்டன. அதில் ரூ.37 லட்சத்து 67 ஆயிரத்து 839, தங்கம் 179.96 கிராம், வௌ்ளி 551.84 கிராம் ஆகியவை காணிக்கையாக கிடைத்தது. உண்டியல் காணிக்கை எண்ணும் பணியில் சாத்தூர், மதுரை, துலுக்கப்பட்டி ஆகிய பகுதிகளை சேர்ந்த ஓம்சக்தி பக்தர் குழு, அய்யப்ப சேவா சங்கம் மற்றும் கோவில் ஊழியர்கள் ஈடுபட்டனர். இதில் இந்து அறநிலையத்துறை மதுரை மீனாட்சி அம்மன் கோவில் உதவி ஆணையர் மற்றும் நேர்முக உதவியாளர் யக்ஞநாராயணன், இருக்கன்குடி கோவில் உதவி ஆணையர் கருணாகரன் தலைமையில் பரம்பரை அறங்காவலர் தலைவர் ராமமூர்த்தி மற்றும் அறங்காவலர் குழுவினர், கோவில் அலுவலர்கள் உள்ளிட்டோர் கலந்து கொண்டனர். தமிழக அரசின் உத்தரவின் படி உண்டியல் திறப்பு பணிகள் வெளிப்படை தன்மையுடன் நடைபெறுவதை உறுதி செய்யும் பொருட்டு யூடியூப் வாயிலாக பொதுமக்கள் பார்வையிடும் வகையில் ஏற்பாடு செய்யப்பட்டிருந்தது.