88 கிலோ கஞ்சாவுடன் வாலிபர் சிக்கினார்

மதுரை மதிச்சியம் போலீசார் அவர்கள் எல்லைக்கு உட்பட்ட பகுதியில் ரோந்து சென்றனர். அப்போது ஆசாரி தோப்பில் கஞ்சா பதுக்கி வைத்திருப்பதாக போலீசாருக்கு தகவல் கிடைத்தது. உடனே சம்பவ இடத்திற்கு போலீசார் விரைந்து சென்று விசாரணை மேற்கொண்டனர். அப்போது அங்கு பதுங்கியிருந்த வாலிபர் ஒருவரை பிடித்து விசாரித்தனர். அதில் அவர் திண்டுக்கல் இந்திராநகரை சேர்ந்த கார்த்திக் (வயது 33) என்பதும், இவர் ஆந்திராவில் இருந்து காரில் கஞ்சாவை கடத்தி வந்ததும் தெரியவந்தது. போலீசார் வழக்குப்பதிவு செய்து அவரை கைது செய்தனர். மேலும் அவரிடமிருந்து 88 கிலோ கஞ்சாவை பறிமுதல் செய்தனர்.