வாலிபர் பலி

நெல்லை முன்னீர்பள்ளம் அருகே சொக்கலிங்கபுரத்தைச் சேர்ந்தவர் செல்வராஜ். இவருைடய மகன் முப்பிடாதி (வயது 33). இவர் மோட்டார் சைக்கிள் ஒர்க்‌ஷாப்பில் மெக்கானிக்காக வேலை செய்து வந்தார். இவருடைய மனைவி கருத்து வேறுபாடு காரணமாக முப்பிடாதியை பிரிந்து சென்றார். இதனால் முப்பிடாதி மனமுடைந்த நிலையில் இருந்ததாக கூறப்படுகிறது.

இந்த நிலையில் மேல செவல் அருகில் உள்ள குளத்தில் முப்பிடாதி மூழ்கி உயிர் இழந்தாராம். இதுகுறித்து தகவல் அறிந்த முன்னீர்பள்ளம் போலீசார் விரைந்து சென்று, அவரது உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். தொடர்ந்து அவர் எப்படி இறந்தார்? என்பது குறித்து விசாரணை நடத்தி வருகின்றனர்.