பள்ளத்தில் லாரி கவிழ்ந்தது; டிரைவர் பலி

கோத்தகிரி,

கோத்தகிரி அருகே அரவேனு சக்கத்தாகம்பையை சேர்ந்தவர் சந்தோஷ் (வயது 32). இவர் தனியார் தொழிற்சாலையில் லாரி டிரைவராக பணிபுரிந்து வந்தார். இவருக்கு திருமணமாகவில்லை. இந்தநிலையில் நேற்று சந்தோஷ் மேட்டுப்பாளையம்-கோத்தகிரி சாலையில் கொட்டக்கம்பையில் இருந்து அரவேனு பகுதிக்கு லாரியை ஓட்டி சென்றார். அப்போது அவருக்கு திடீரென குறைந்த ரத்த அழுத்தம் காரணமாக உடல் நலக்குறைவு ஏற்பட்டு லாரியை ஓட்டிய போதே மயக்கமடைந்ததாக கூறப்படுகிறது. இதனால் கட்டுப்பாட்டை இழந்த லாரி சாலையோர பள்ளத்தில் கவிழ்ந்து விபத்துக்கு உள்ளானது. இதில் படுகாயம் அடைந்த சந்தோஷ் சம்பவ இடத்திலேயே பரிதாபமாக உயிரிழந்தார். இதுகுறித்து தகவலறிந்த போலீசார் சம்பவ இடத்திற்கு சென்று உடலை மீட்டு பிரேத பரிசோதனைக்காக கோத்தகிரி அரசு மருத்துவமனைக்கு அனுப்பி வைத்தனர். இந்த சம்பவம் குறித்து வழக்குப்பதிவு செய்து விசாரணை நடத்தி வருகின்றனர்.