மோட்டார் சைக்கிளில் இருந்து தவறி விழுந்தவர் பலி

செம்பட்டிவிடுதி அருகே மணவிடுதியை சேர்ந்த அருணாச்சலம் மகன் முருகேசன் (வயது 38). இவர், தனது மோட்டார் சைக்கிளில் ஏ.மாத்தூரில் இருந்து மணவிடுதிக்கு சென்று கொண்டிருந்தார். சன்னாசி கோவில் அருகே வந்த போது, எதிர்பாராவிதமாக மோட்டார் சைக்கிளில் இருந்து முருகேசன் தவறி கீழே விழுந்தார். இதில் படுகாயமடைந்த அவரை அருகில் உள்ளவர்கள் மீட்டு சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு அவரை பரிசோதனை செய்த மருத்துவர்கள், முருகேசன் ஏற்கனவே இறந்து விட்டதாக தெரிவித்தனர். இதுகுறித்த புகாரின் பேரில், செம்பட்டிவிடுதி போலீஸ் இன்ஸ்பெக்டர் கலைசெல்வன் வழக்குப்பதிவு செய்து விசாரணை நடத்தி வருகிறார்.