வாகனங்களை வழிமறித்த காட்டு யானைகளால் பரபரப்பு

கோத்தகிரி,

கோத்தகிரி-மேட்டுப்பாளையம் சாலையில் உள்ள பலா மரங்களில் பலா பழங்களை ருசிப்பதற்காக காட்டு யானைகள் முகாமிட்டு உள்ளனர். இந்தநிலையில் நேற்று முன்தினம் இந்த சாலையில் குட்டியுடன் 2 காட்டு யானைகள் வாகனங்களை வழிமறித்தன. அப்போது வாகன ஓட்டிகள் ஒலிப்பானை ஒலித்ததால், குட்டி யானையை 2 யானைகளுக்கு நடுவே நிற்க வைத்தன. தொடர்ந்து வாகனங்களை தாக்க முயற்சித்தது. இதனால் டிரைவர்கள் வாகனங்களை விட்டு கீழே இறங்கி ஓடி சென்று சற்று தொலையில் பாதுகாப்பாக நின்றனர். பின்னர் சாலையில் சிறிது தூரம் உலா வந்த யானைகள், வனப்பகுதிக்குள் சென்றன. இதையடுத்து வாகனங்கள் சென்றது. வாகனங்கள் யானைகள் வழிமறித்ததால் போக்குவரத்து பாதிக்கப்பட்டது. இதுகுறித்து வாகன ஓட்டிகள் கூறும்போது, குட்டியுடன் நடமாடும் காட்டு யானைகளால் வாகன ஓட்டிகளுக்கு அசம்பாவிதம் ஏற்படும் முன்பு, அடர்ந்த வனப்பகுதிக்குள் விரட்ட வனத்துறையினர் நடவடிக்கை எடுக்க வேண்டும் என்றனர்.