சமையல் செய்தபோது தீயில் கருகி பெண் சாவு

ராணிப்பேட்டையை அடுத்த சிப்காட் வ.உ.சி. நகர் பகுதியை சேர்ந்தவர் ரேவதி (வயது 32). உடல் வளர்ச்சி இல்லாதவர். இதனால் இவருக்கு திருமணம் ஆகவில்லை. இந்தநிலையில் நேற்று முன்தினம் இரவு சமையல் செய்தபோது ரேவதியின் உடலில் தீப்பிடித்தது. இதில் படுகாயம் அடைந்த அவர் 108 ஆம்புலன்ஸ் மூலம் வாலாஜா அரசு மருத்துவமனைக்கு சிகிச்சைக்காக கொண்டு செல்லப்பட்டார். அங்க அவரை பரிசோதனை செய்தபோது வழியிலேயே இறந்து விட்டது தெரிய வந்தது.

இது குறித்து சிப்காட் போலீசார் வழக்குப்பதிவு செய்து விசாரணை நடத்தி வருகின்றனர்.