மாடியில் இருந்து தவறி விழுந்து தொழிலாளி சாவு

சூரமங்கலம்:

சேலம் சூரமங்கலம் அருகே சின்ன அம்மாபாளையம் பகுதியைச் சேர்ந்தவர் சதீஷ்குமார் (வயது 32), இவர் டைல்ஸ் பதிக்கும் தொழிலாளி. திருமணம் ஆகி 2 மகன்கள், ஒரு மகள் உள்ளனர். சதீஷ்குமாருக்கு மது குடிக்கும் பழக்கம் இருந்துள்ளது. இரவு தூங்கிக்கொண்டிருந்த அவர், மொட்டை மாடியில் இருந்து தவறி விழுந்தார். பலத்த காயம் அடைந்த சதீஷ்குமாரை அக்கம் பக்கத்தினர் மீட்டு சேலம் அரசு ஆஸ்பத்திரியில் சேர்த்தனர். அங்கு சிகிச்சை பலன் அளிக்காமல் அவர் பரிதாபமாக இறந்தார். இதுகுறித்து சூரமங்கலம் போலீசார் வழக்குப்பதிவு செய்து விசாரணை நடத்தினர்.