மோட்டார் சைக்கிளில் இருந்து கீழே விழுந்த தொழிலாளி பலி

வடமதுரை அருகே உள்ள ராஜகவுண்டன்பட்டியை சேர்ந்தவர் காளியப்பன் (வயது 37). இவர் மூனாண்டிபட்டியில் உள்ள தனியார் இரும்பு ஆலை ஒன்றில் தொழிலாளியாக வேலை பார்த்து வந்தார். இவருக்கு முருகேஸ்வரி என்ற மனைவியும் 2 மகன்களும் உள்ளனர்.

கடந்த மாதம் 5-ந்தேதி காளியப்பன் வேலை முடிந்து மோட்டார் சைக்கிளில் வீட்டிற்கு சென்று கொண்டிருந்தார். வழியில் மோர்பட்டி அருகே வந்தபோது மோட்டர்சைக்கிள் திடீரென நிலைதடுமாறி சாலையின் தடுப்பு சுவரில் மோதியது.

இதில் காயமடைந்த காளியப்பனை அருகிலிருந்தவர்கள் மீட்டு சிகிச்சைக்காக மதுரை அரசு மருத்துவமனையில் சேர்த்தனர். ஆனால் அங்கு சிகிச்சை பலனின்றி நேற்று முன்தினம் அவர் பரிதாபமாக இறந்தார். இதுகுறித்து வடமதுரை போலீஸ் சப்-இன்ஸ்பெக்டர் ராஜசேகர் வழக்குப்பதிவு செய்து விசாரணை நடத்தி வருகிறார்.