விபத்தில் தொழிலாளி பலி

திருப்பரங்குன்றம்

திருப்பரங்குன்றம் அருகே உள்ள தனக்கன்குளத்தில் வசித்து வந்தவர் கணேசன்(வயது 53). தொழிலாளி. இவர் வேலைக்கு சென்று விட்டு திருமங்கலம்-சமயநல்லூர் நான்குவழிச்சாலையில் இருசக்கர வாகனத்தில் வீடு திரும்பி கொண்டிருந்தார். தனக்கன்குளம்-கீழக்குயில்குடி பிரிவில் ரோட்டை கடக்க முயன்றார். இந்த நிலையில் மற்றொரு இருசக்கர வாகனத்தில் வந்த அருப்புக்கோட்டையை சேர்ந்த பிரதீப்(23) நிலை தடுமாறி கணேசன் ஓட்டிவந்த வாகனத்தில் மோதியதாக தெரிகிறது. அதில் தூக்கிவீசப்பட்டு ரத்த வெள்ளத்தில் உயிருக்காக கணேசன் போராடினார். இதே சமயம் பிரதீப்பும் காயமடைந்தார். இந்த நிலையில் அந்த வழியாக சென்றவர்கள் கணேசன், பிரதீப் ஆகிய 2 பேரையும் மீட்டு மதுரை அரசு மருத்துவமனைக்கு அனுப்பி வைத்தனர். அங்கு தீவிர சிகிச்சை அளித்தும் பலன் அளிக்காமல் கணேசன் பரிதாபமாக இறந்தார். இதுதொடர்பாக ஆஸ்டின்பட்டி போலீசார் வழக்குபதிவு செய்து விசாரணை நடத்தி வருகின்றனர்.