மாடியில் இருந்து தவறி விழுந்த தொழிலாளி பலி

அருப்புக்கோட்டை,

அருப்புக்கோட்டை ராமசாமிபுரம் பசும்பொன் நகரை சேர்ந்தவர் சிங்கராஜ் (வயது 56). கட்டிட தொழிலாளியான இவர் வீட்டு மாடியில் பராமரிப்பு பணி மேற்கொண்டிருந்தார். பணியில் ஈடுபட்டு கொண்டிருந்தபோது எதிர்பாராத விதமாக மாடியில் இருந்து தவறி கீழே விழுந்து படுகாயம் அடைந்தார். உடனே அவரை உறவினர்கள் மீட்டு அருப்புக்கோட்டை அரசு ஆஸ்பத்திரியில் சிகிச்சைக்காக சேர்த்தனர். பின்னர் அவர் மேல் சிகிச்சைக்காக மதுரை அரசு ஆஸ்பத்திரியில் அனுமதிக்கப்பட்டார். அங்கு சிகிச்சை பலனின்றி அவர் உயிரிழந்தார். இதுகுறித்து டவுன் போலீசார் வழக்குப்பதிவு செய்து விசாரணை மேற்கொண்டு வருகின்றனர்.