ஆற்றில் தவறி விழுந்த தொழிலாளி பலி

வேலூர் மாவட்டம் குடியாத்தத்தை அடுத்த சூராளூர் நாராயணபுரம் கிராமத்தை சேர்ந்தவர் சபாபதி (வயது 46), கூலித்தொழிலாளி. இவர், நேற்று மாலையில் தனது கிராமத்து அருகே செல்லும் கொட்டாற்றில் தவறி விழுந்துள்ளார்.

இதுகுறித்து தகவல் அறிந்ததும் அவரது உறவினர்கள் அங்கு சென்று கொட்டாற்றில் இருந்து சபாபதியை பிணமாக மீட்டனர்.

இந்த சம்பவம் குறித்து சபாபதியின் மனைவி துளசி குடியாத்தம் தாலுகா போலீசில் புகார் அளித்தார். அதன் பேரில் இன்ஸ்பெக்டர் கணபதி, சப்-இன்ஸ்பெக்டர் பழனி ஆகியோர் வழக்குப்பதிவு செய்து சபாபதியின் உடலை கைப்பற்றி பிரேத பரிசோதனைக்காக குடியாத்தம் அரசு மருத்துவமனைக்கு அனுப்பி வைத்தனர்.

இதுதொடர்பாக போலீசார் விசாரணை நடத்தி வருகின்றனர்.