டெம்போவில் இருந்து தவறி விழுந்த தொழிலாளி பலி

அருமனை:

பேச்சிப்பாறை அருகே உள்ள தோட்டமலை பகுதியை சேர்ந்தவர் சிவகுமார் (வயது35), கூலி தொழிலாளி. இவரது உறவினர் மகளுக்கு திருமணம் நடந்தது. தொடர்ந்து நேற்று பெண் வீட்டார் சார்பில் கேரளாவில் உள்ள மாப்பிள்ளை வீட்டிற்கு டெம்போவில் சீர்வரிசை பொருட்களுடன் வீடு காணும் நிகழ்ச்சிக்காக புறப்பட்டனர். சிவகுமார் டெம்போவில் பொருட்களுடன் பின்னால் நின்று கொண்டிருந்தார். கடையாலுமூடு அருகே கட்டச்சல் என்ற இடத்தில் வந்த போது சிவகுமார் டெம்ேபாவில் இருந்து தவறி கீழே விழுந்தார். இதில் அவரது தலையில் பலத்த காயம் ஏற்பட்டு சம்பவ இடத்திலேயே பரிதாபமாக இறந்தார்.

இதுகுறித்து தகவல் அறிந்த கடையல் போலீசார் சம்பவ இடத்திற்கு வந்து சிவகுமாரின் உடலை கைப்பற்றி குழித்துறை அரசு மருத்துவமனைக்கு பிரேத பரிசோதனைக்கு அனுப்பி வைத்தனர். மேலும் போலீசார் வழக்குப்பதிவு செய்து விசாரணை நடத்தி வருகிறார்கள். இறந்த சிவகுமாருக்கு மனைவி மற்றும் 2 குழந்தைகள் உள்ளனர்.