கோபால்பட்டி அருகே போலீஸ் இன்ஸ்பெக்டர் வீட்டில் திருட்டு

கோபால்பட்டி அருகே உள்ள விஜயநகரத்தை சேர்ந்தவர் ஜோதி (வயது 65). ஓய்வுபெற்ற போலீஸ் இன்ஸ்பெக்டர். இவர் கடந்த சில நாட்களுக்கு முன்பு வீட்டை பூட்டிவிட்டு குடும்பத்துடன் சென்னையில் உள்ள உறவினர் வீட்டுக்கு சென்றுவிட்டார்.

இந்தநிலையில் இன்று காலை ஜோதி வீட்டின் முன்பக்க கதவு திறந்து கிடந்தது. இதனை பார்த்த அக்கம்பக்கத்தினர், அவருக்கு தகவல் தெரிவித்தனர். உடனே அவர் இதுகுறித்து சாணார்பட்டி போலீஸ் நிலையத்திற்கு தகவல் தெரிவித்தார். அதன்பேரில் போலீசார் அவரது வீட்டில் சோதனை செய்தனர். மேலும் கைரேகை நிபுணர்கள் வரவழைக்கப்பட்டு சோதனை நடைபெற்றது.

இதில் வீட்டுக்குள் இருந்த பணம், நகை திருடு போனது தெரியவந்தது. மேலும் ஜோதி சென்னையில் இருந்து வீட்டுக்கு திரும்பிய பிறகே திருடு போன பொருட்கள் என்னென்ன என்பது தெரியவரும் என்று போலீசார் தெரிவித்தனர்.