பாளையங்கோட்டை கே.டி.சி. நகரை சேர்ந்தவர் சுப்புலட்சுமி (வயது 73). இவர் நேற்று முன்தினம் பாளையங்கோட்டை முருகன்குறிச்சியில் இருந்து கே.டி.சி. நகருக்கு பஸ்சில் வந்து கொண்டு இருந்தார். கே.டி.சி. நகர் பஸ் நிறுத்தத்தில் இறங்கி பார்த்த போது, அவரது கழுத்தில் அணிந்திருந்த சுமார் 4½ பவுன் தங்க சங்கிலி மாயமாகி இருந்தது. ஓடும் பஸ்சில் கூட்ட நெரிசலை பயன்படுத்தி மர்மநபர் நைசாக சங்கிலியை திருடி சென்றது தெரியவந்தது.

இதுகுறித்து சுப்புலட்சுமி பாளையங்கோட்டை போலீஸ் நிலையத்தில் புகார் அளித்தார். சப்-இன்ஸ்பெக்டர் பழனி முருகன் வழக்குப்பதிவு செய்து மர்ம நபரை தேடி வருகின்றனர்.