தென்னகூத்த அய்யனார் கோவில் குடமுழுக்கு

சிக்கல்:

நாகை அருகே சிக்கல் நவநீதேஸ்வரர் சாமி கோவிலின் உபகோவிலான தென்னகூத்த அய்யனார் கோவில் குடமுழுக்கு நடைபெற்றது. குடமுழுக்கையொட்டி கணபதி ஹோமம், நவக்கிரக ஹோமம், வாஸ்து சாந்தி, பூர்வாங்க பூஜைகள் நடைபெற்றது. தொடர்ந்து யாகசாலை பூஜைகளுடன் பூர்ணாகுதி தீபாராதனை நடந்தது. நேற்று யாகசாலை பூஜைகள் நிறைவடைந்து மங்கள வாத்தியங்கள் முழங்க கடம் புறப்பாடு நடைபெற்றது. சிவாச்சாரியார்கள் கடங்களை சுமந்து வந்து வேத மந்திரங்கள் முழங்க கலசங்களில் புனித நீர் ஊற்றப்பட்டு குடமுழுக்கு நடந்தது. பின்னர் புனித நீர் பக்தர்கள் மீது தெளிக்கப்பட்டது. அதை தொடர்ந்து தென்னகூத்த அய்யனாருக்கு மகா தீபாராதனை காண்பிக்கப்பட்டது. இதில் சிக்கல் மற்றும் அதன் சுற்று வட்டார கிராமங்களை சேர்ந்த திரளான பக்தர்கள் கலந்து கொண்டு சாமி தரிசனம் செய்தனர்.