சுவாமிமலை சுவாமிநாதர் கோவிலில் தீர்த்தவாாி

கபிஸ்தலம்:

சுவாமிமலை சுவாமிநாதர் கோவில் மூர்த்தி, தலம், தீர்த்தம் ஆகிய மூன்றிலும் சிறப்பு பெற்றது. நேற்று பங்குனி உத்திர விழாவையொட்டி வள்ளி தேவ சேனை, சுப்பிரமணியர் வெள்ளி மயில் வாகனத்தில் திருவீதி உலா வந்து, காவிரி ஆற்றில் தீர்த்தவாரி நடந்தது. , இரவு வெள்ளி ரதத்தில் திருவீதி உலா மற்றும் நாட்டிய குழுவினரின் நாட்டிய நிகழ்ச்சி நடைபெற்றது. 6-ந் தேதி (வியாழக்கிழமை) விக்னேஸ்வர பூஜையும், 7-ந் தேதி (வெள்ளிக்கிழமை) காலை வள்ளி தேவ சேனா சண்முக பெருமாள் உற்சவ மண்டபம் எழுந்தருளல். 8-ந் தேதி (சனிக்கிழமை) அதிகாலை அரசலாற்றில் யானை விரட்டுதல் நிகழ்ச்சியும் தொடர்ந்து அளவந்திபுரம் நடுத்தெருவில் இருந்து சீர் கொண்டு வருதல் நிகழ்ச்சியும், சண்முக பெருமாள் - வள்ளி திருக்கல்யாணமும் நடக்கிறது. 9, 10-ந் தேதிகளில் ஊஞ்சல் உற்சவமும், 11-ந் தேதி இரவு திருக்கல்யாணமும், 12-ந் தேதி(புதன்கிழமை) சண்முக பெருமாளுக்கு 108 சங்காபிஷேகம், அலங்கார தீபாரதனையும், இரவு வெள்ளி ரதத்தில் சாமி வீதி உலாவும் நடக்கிறது. விழா ஏற்பாடுகளையும் இந்து சமய அறநிலைத்துறை கோவில் இணை ஆணையர் மோகனசுந்தரம், துணை ஆணையர் உமாதேவி, மற்றும் பணியாளர்கள் செய்து உள்ளனர்.