திருச்செந்தூரில்டாஸ்மாக் ஊழியர்கள் இனிப்புகள் வழங்கி கொண்டாட்டம்

திருச்செந்தூர்:

தமிழ் நாடு சட்டமன்ற கூட்டத்தொடரில் மதுவிலக்கு மற்றும் ஆயத்தீர்வை மானிய கோரிக்கையில் டாஸ்மாக் பணியாளர்களுக்கு ஊதிய உயர்வு அறிவிக்கப்பட்டது. இது கடந்த ஏப்ரல் 1-ந் தேதியில் இருந்து நடைமுறைக்கு வந்துள்ளது. இதில் மேற்பார்வையாளர்ளுக்கு ரூ.1100-ம், விற்பனையாளர்களுக்கு ரூ.930-ம், உதவி விற்பனையாளர்களுக்கு ரூ.840-ம் உயர்த்தப்பட்டுள்ளது.இந்த ஊதிய உயர்வு வழங்க உத்தரவிட்ட தமிழக முதல்-அமைச்சர், தமிழக மின்சாரம் மற்றும் மதுவிலக்கு ஆயத்தீர்வை துறை அமைச்சர் ஆகியோருக்கு நன்றி தெரிவித்து, திருச்செந்தூரில் தொ.மு.ச. பேரவை சார்பில் மாவட்ட செயலாளர் சின்னத்துரை தலைமையில் டாஸ்மாக் பணியாளர்கள் இனிப்புகள் வழங்கி கொண்டாடினர். நிகழ்ச்சியில், டாஸ்மாக் தொ.மு.ச. நிர்வாகிகள் கலந்து கொண்டனர்.