தமிழகத்தில் இன்று 6 பேருக்கு கொரோனா

சென்னை,

தமிழகத்தில் கடந்த சில மாதங்களாக கொரோனா பாதிப்பு கட்டுக்குள் வந்துள்ளது. வேகமாக சரிந்து வந்த தினசரி பாதிப்பு தற்போது ஒற்றை இலக்க எண்களில் மட்டுமே பதிவாகி வருவது மக்களுக்கு பெரும் நிம்மதியை கொடுத்துள்ளது. அந்த வகையில் இன்று 6 பேருக்கு மட்டுமே கொரோனா உறுதி செய்யப்பட்டுள்ளது.

தமிழகத்தில் கடந்த 24 மணி நேர கொரோனா பாதிப்பு விவரத்தை மக்கள் நல்வாழ்வு மற்றும் மருத்துவத்துறை வெளியிட்டுள்ளது. அதன் விவரம் வருமாறு:-

தமிழகத்தில் இன்று புதிதாக 1 ஆண், 5 பெண்கள் உள்பட மொத்தம் 6 பேருக்கு கொரோனா உறுதி செய்யப்பட்டுள்ளது. சென்னை, தூத்துக்குடி உள்பட மொத்தம் 4 மாவட்டங்களில் தொற்று பாதிப்பு பதிவாகியுள்ளது. 34 மாவட்டங்களில் பாதிப்பு இல்லை. தமிழகத்தில் கொரோனா தோற்றால் எந்த மாவட்டத்திலும் உயிரிழப்பு ஏற்படவில்லை.