தமிழகத்தில் கொரோனா பாதிப்பு மெல்ல மெல்ல அதிகரிப்பு

சென்னை,

தமிழ்நாட்டில் இன்று ஒரே நாளில் 36 பேர் கொரோனா பாதிப்புக்கு உள்ளாகியிருக்கிறார்கள். இதில், 16 ஆண்கள் மற்றும் 20 பெண்கள் அடங்குவார்கள். அதிகபட்சமாக சென்னையில் 10 பேருக்கும்,கோவையில் 9 பேர் உள்பட மொத்தம் 13 மாவட்டங்களில் பாதிப்பு கண்டறியப்பட்டுள்ளது. அதே சமயத்தில் 25 மாவட்டங்களில் பாதிப்பு ஏற்படவில்லை. இதேபோல தமிழகத்தில் கடந்த சில நாட்களை போன்று உயிரிழப்பு எதுவும் இல்லை. மேற்கண்ட தகவல் மக்கள் நல்வாழ்வுத் துறை வெளியிட்ட செய்திக்குறிப்பில் கூறப்பட்டுள்ளது.