தமிழகத்தில் 50- க்கு கீழ் குறைந்த கொரோனா பாதிப்பு

சென்னை,

தமிழகத்தில் கொரோனா பாதிப்பு கட்டுக்குள் வந்ததால் மக்கள் நிம்மதி அடைந்துள்ளனர். கடந்த சில வாரங்களாவே கொரோனா பாதிப்பு தொடர்ந்து குறைந்து வரும் நிலையில் இன்றைய பாதிப்பு 50 க்கும் கீழ் குறைந்துள்ளது. தமிழகத்தில் இன்றைய கொரோனா பாதிப்பு விவரத்தை மக்கள் நல்வாழ்வு மற்றும் மருத்துவத்துறை வெளியிட்டுள்ளது. அதன் விவரம் வருமாறு:-

தமிழகத்தில் இன்று 44 பேருக்கு புதிதாக கொரோனா உறுதி செய்யப்பட்டுள்ளது. தேனி, தஞ்சாவூர் உள்ளிட்ட 22 மாவட்டங்களில் பாதிப்பு இல்லை. மருத்துவமனையில் 173 பேர் அனுமதிக்கப்பட்டு சிகிச்சை பெற்று வருகின்றனர். தமிழகத்தில் கொரோனா தொற்றால் எந்த மாவட்டத்திலும் உயிரிழப்பு ஏற்படவில்லை. தற்போது கொரோனா பாதிப்புக்குள்ளாகி 515 பேர் சிகிச்சையில் உள்ளனர். இவ்வாறு அதில் கூறப்பட்டுள்ளது.