தமிழகத்தில் இன்று 22 பேருக்கு கொரோனா பாதிப்பு

சென்னை,

தமிழகத்தில் கடந்த 24 மணி நேர கொரோனா பாதிப்பு விவரத்தை மக்கள் நல்வாழ்வு மற்றும் மருத்துவத்துறை வெளியிட்டுள்ளது. அதன் விவரம் வருமாறு:-

தமிழகத்தில் இன்று புதிதாக 9 ஆண்கள், 13 பெண்கள் உள்பட மொத்தம் 22 பேருக்கு புதிதாக கொரோனா உறுதி செய்யப்பட்டுள்ளது. அதிகபட்சமாக சென்னையில் 4 பேர் உள்பட மொத்தம் 12 மாவட்டங்களில் தொற்று பாதிப்பு பதிவாகியுள்ளது. தூத்துக்குடி, நீலகிரி, தென்காசி உள்ளிட்ட 26 மாவட்டங்களில் பாதிப்பு இல்லை.

தமிழகத்தில் இன்று கொரோனா தொற்றால் எந்த மாவட்டத்திலும் உயிரிழப்பு ஏற்படவில்லை. தற்போது 244 பேர் சிகிச்சையில் உள்ளனர்.