தமிழகத்தில் கொரோனா பாதிப்பு தொடர்ந்து உயர்வு: இன்றைய பாதிப்பு 300-ஐ தாண்டியது

சென்னை,

தமிழகத்தில் கடந்த சில நாட்களாக தொற்று பரவல் உயர்ந்து வருகிறது. நேற்று தினசரி கொரோனா பாதிப்பு 255- ஆக பதிவான நிலையில், இன்று இன்றைய பாதிப்பு 332- ஆக பதிவாகியுள்ளது. தமிழகத்தில் கடந்த 24 மணி நேர கொரோனா பாதிப்பை மக்கள் நல்வாழ்வு மற்றும் மருத்துவத்துறை வெளியிட்டுள்ளது. அதன் விவரம் வருமாறு:- "

தமிழகத்தில் இன்று 332- பேருக்கு கொரோனா தொற்று உறுதி செய்யப்பட்டுள்ளது. தலைநகர் சென்னையில் மட்டும் 171 பேருக்கு தொற்று கண்டறியப்பட்டுள்ளது. புதிதாக உயிரிழப்பு எதுவும் பதிவாகவில்லை. கொரோனாவுக்கு சிகிச்சை பெறுவோர் எண்ணிக்கை 1,453-ல் இருந்து 1,632- ஆக உயர்ந்துள்ளது. தொற்று பாதிப்பில் இருந்து இன்று குணம் அடைந்தவர்கள் எண்ணிக்கை 153 ஆக உள்ளது.