சேலத்தில் டி.என்.பி.எஸ்.சி. குரூப்-3 ஏ தேர்வை 9,858 பேர் எழுதவில்லை

குரூப்-3 ஏ தேர்வு

தமிழ்நாடு அரசு பணியாளர் தேர்வாணையத்தால் (டி.என்.பி.எஸ்.சி.) ஒருங்கிணைந்த குடிமைப்பணிகள் குரூப்-3 ஏ பதவிக்கான எழுத்து தேர்வு தமிழகத்தில் நேற்று நடந்தது. இந்த தேர்வு எழுதுவதற்காக சேலம் மாவட்டத்தில் 38 தேர்வு மையங்களில் 59 அறைகள் அமைக்கப்பட்டிருந்தன. தேர்வு எழுதுவதற்காக தேர்வர்கள் காலை 8 மணி முதலே தேர்வு மையங்களுக்கு வர தொடங்கினர். பின்னர் அவர்கள் தங்களுக்கு ஒதுக்கப்பட்ட தேர்வு எழுதும் அறைக்கு சென்றனர். முன்னதாக அவர்களது நுழைவு சீட்டை அதிகாரிகள் சரி பார்த்தனர். தேர்வு காலை 9.30 மணி முதல் மதியம் 12.30 மணி வரை நடைபெற்றது.

9,858 பேர் எழுதவில்லை

மாவட்டத்தில் தேர்வு எழுதுவதற்காக 18 ஆயிரத்து 81 பேர் விண்ணப்பித்து இருந்தனர். ஆனால் இந்த தேர்வை 8 ஆயிரத்து 223 பேர் மட்டுமே எழுதினர். இது 45.47 சதவீதம் ஆகும். 9 ஆயிரத்து 858 பேர் தேர்வு எழுத வரவில்லை. இது 54.53 சதவீதம் ஆகும். தேர்வு பணிகளை அதிகாரிகள் கொண்ட குழுவினர் கண்காணிப்பு பணியில் தீவிரமாக ஈடுபட்டனர்.

மேலும் தேர்வு மையங்களில் வீடியோ மூலமும் தேர்வு கண்காணிக்கப்பட்டது. டி.என்.பி.எஸ்.சி. குரூப்-3 ஏ தேர்வையொட்டி அரசு போக்குவரத்து கழகம் சார்பில் சிறப்பு பஸ்கள் இயக்கப்பட்டன.