மருந்து கடைக்காரரிடம் கத்தியை காட்டி பணம் பறிக்க முயன்றவர் கைது

போடி திருமலாபுரம் பகுதியை சேர்ந்தவர் தர்மராஜ் (வயது 70). இவர் போடி பெரியாண்டவர் நெடுஞ்சாலையில் மருந்து கடை வைத்துள்ளார். இந்நிலையில் நேற்று இரவு அங்கு வந்த போடி முனிசிபல் காலனியை சேர்ந்த வடிவேல் மற்றும் கண்ணன் ஆகியோர் தர்மராஜிடம் மருந்து கேட்டுள்ளனர். பின்னர் மருந்தை கொடுத்த பிறகு அவர் பணம் கேட்டார். இதையடுத்து அவர்கள் கத்தியை காட்டி மிரட்டி தர்மராஜிடம் பணம் கேட்டுள்ளனர். இதற்கிடையே கண்ணனை அவர் மடக்கி பிடித்தார். வடிவேல் தப்பி ஓடிவிட்டார். இதுகுறித்து தர்மராஜ் போடி நகர் போலீசில் புகார் செய்தார். அதன்பேரில் போலீசார் வழக்குப்பதிவு செய்து கண்ணனை கைது செய்தனர். தப்பி ஓடிய வடிவேலை தேடி வருகின்றனர்.