புகையிலை விற்றவர் கைது

கம்பம் காட்டுபள்ளிவாசல் பகுதியில் வடக்கு போலீஸ் சப்-இன்ஸ்பெக்டர் ஜெயபாண்டி தலைமையில் போலீசார் ரோந்து சென்றனர். அப்போது அந்த பகுதியில் சந்தேகப்படும்படி ஒரு பையுடன் நின்றவரை பிடித்து சோதனை செய்தனர். அப்போது அந்த பையில் சுமார் 15 கிலோ எடை கொண்ட புகையிலை பாக்கெட்டுகள் இருப்பது கண்டுபிடிக்கப்பட்டது. அதனை போலீசார் பறிமுதல் செய்தனர். விசாரணையில் அவர், கம்பம் அருகேயுள்ள காமயகவுண்டன்பட்டி கூத்தனாட்சி அம்மன் கோவில் தெருவை சேர்ந்த ஈஸ்வரன் (வயது 41) என்றும், புகையிலை பாக்கெட்டுகளை விற்பனை செய்வதற்காக வைத்திருந்தது தெரியவந்தது. இதுகுறித்து போலீசார் வழக்குப்பதிவு செய்து ஈஸ்வரனை கைது செய்தனர்.