ஒரு கிலோ தக்காளி ரூ.15-க்கு விற்பனை

வெள்ளகோவில்

வெள்ளகோவிலில் ஞாயிற்றுக்கிழமை தோறும் வாரச்சந்தை செயல்படுகிறது. வெள்ளகோவில் சுற்றுவட்டார பகுதி விவசாயிகள் தங்கள் விளை நிலங்களில் கிடைக்கும் காய்கறிகள் மற்றும் பயிர் வகைகளை கொண்டு வந்து விற்பனை செய்து வருகின்றனர். இதை பொதுமக்கள் மற்றும் நூல் மில்களில் தங்கி வேலை செய்யும் ஊழியர்கள் தங்களுக்கு ஒரு வாரத்திற்கு தேவையான காய்கறி மற்றும் மளிகை சாமான்களை வாங்கிச்செல்வார்கள்.

அதன்படி நேற்று வார சந்தையில் தக்காளி ஒரு கிலோ ரூ.15-க்கும், கத்தரிக்காய் ரூ.30-க்கும், பீர்க்கங்காய் ரூ.50 முதல் 60, பெரிய வெங்காயம் ரூ.20 முதல் ரூ.30,சின்ன வெங்காயம் ரூ.30 முதல் ரூ.40, உருளைக்கிழங்கு ரூ.30-க்கும், பீட்ரூட் ரூ.40-க்கும், புடலங்காய் ரூ.30-க்கும், முட்டை கோஸ் ரூ.20-க்கும், பீன்ஸ் ரூ.40-க்கும், கேரட் ரூ.40-க்கும், பாகற்காய் ரூ.60-க்கும், பச்சை மிளகாய் ரூ.40-க்கும், வெண்டைக்காய் ரூ.40-க்கும், இஞ்சி ரூ.60-க்கும், அவரைக்காய் ரூ.40-க்கும், மேரக்காய் ரூ.40-க்கும், கோவக்காய் ரூ.30-க்கும், முள்ளங்கி ரூ.40-க்கும், பச்சைமிளகாய் ரூ.40-க்கும்,சுரைக்காய் ரூ.10-க்கும் விற்பனை செய்யப்பட்டது. இத்தகவலை வாரச்சந்தை காய்கறி வியாபாரி குமார் தெரிவித்தார்.

-----------