வரதட்சணை கேட்டு கொடுமை- கணவர் உள்பட 3 பேர் மீது வழக்கு

நெல்லை:

நெல்லை அருகே தாழையூத்து சங்கர்நகர் பகுதியை சேர்ந்தவர் ஹரிஷ்மா (வயது 22). இவருக்கும் புதுக்கோட்டை மாவட்டம் ராஜகோபாலபுரம் கற்பகம் நகரை சேர்ந்த கரண்ராஜ் என்பவருக்கும் கடந்த 2019-ம் ஆண்டு திருமணம் நடந்தது. திருமணத்தின்போது பெண் வீட்டார் 57 பவுன் தங்க நகைகள் மற்றும் வெள்ளி பொருட்கள் கொடுத்துள்ளனர்.

இந்த நிலையில் கரண்ராஜ், அவரின் தாயார் ஜெயா, உறவினர் வனிதா ஆகியோர் ஹரிஷ்மாவிடம் கூடுதலாக வரதட்சணை கேட்டு கொடுமை செய்ததாக ஹரிஷ்மா நெல்லை ஊரக அனைத்து மகளிர் போலீஸ் நிலையத்தில் புகார் செய்தார். அந்த புகாரின் பேரில் கரண்ராஜ் உள்ளிட்ட 3 பேர் மீதும் போலீசார் வழக்குப்பதிவு செய்து விசாரணை நடத்தி வருகின்றனர்.