மணல் கடத்திய டிராக்டர் டிரைவர் கைது

ஆலங்குடி:

ஆலங்குடி அருகே பள்ளத்திவிடுதி தெற்குப்பட்டி மயிலிகுளத்தில் மணல் கடத்தப்படுவதாக ஆலங்குடி போலீசாருக்கு தகவல் கிடைத்தது. அதன்படி போலீசார் அப்பகுதியில் ரோந்து பணியில் ஈடுபட்டிருந்தனர். அப்போது மயிலிகுளத்தில் ஹெவி கிட்டாச்சி மூலம் டிராக்டரில் மணல் கடத்தி கொண்டிருந்தனர். போலீசாரை பார்த்ததும் அங்கிருந்தவர்கள் ஓடிவிட்டனர். இதையடுத்து போலீசார் டிராக்டர் டிரைவர் பள்ளித்திவிடுதி நடும்பட்டியை சேர்ந்த சரவணன் என்கிற ராஜா (வயது 40) என்பவரை கைது செய்தனர். மேலும் டிராக்டர், கிட்டாச்சியை பறிமுதல் செய்து விசாரணை நடத்தி வருகின்றனர்.