மின்கம்பத்தில் மோதி வியாபாரி பலி

சிவகாசி,

சிவகாசி அருகே உள்ள பூலாவூரணியை சேர்ந்தவர் மகாலிங்கம். இவரது மகன் மகேந்திரன் (வயது 40). இவர் தனது தந்தையுடன் சிவகாசி அண்ணா காய்கறி மார்க்கெட்டில் காய்கறி வியாபாரம் செய்து வந்தார். இந்தநிலையில் சம்பவத்தன்று சிவகாசியில் இருந்து பூலாவூரணிக்கு தனது மோட்டார் சைக்கிளில் சென்றுள்ளார். செல்லும் வழியில் தேன்காலனியில் உள்ள ஒரு மின்கம்பத்தில் எதிர்பாராதவிதமாக மோதியதாக கூறப்படுகிறது. இதில் தலையில் பலத்த காயம் அடைந்த அவர் சம்பவ இடத்திலேயே பரிதாபமாக இறந்தார். இதுகுறித்து தகவல் அறிந்த மாரனேரி போலீசார் சம்பவ இடத்துக்கு வந்து மகேந்திரனின் உடலை கைப்பற்றி விசாரணை நடத்தி வருகின்றனர்.