கிருஷ்ணகிரியில் தலைமை ஆசிரியர்களுக்கு பயிற்சி

கிருஷ்ணகிரி:

பள்ளி கல்வித்துறையின் சார்பில் அரசு உயர்நிலை, மேல்நிலைப்பள்ளி தலைமை ஆசிரியர்கள் மற்றும் வட்டார கல்வி அலுவலர்களுக்கு, அறிவியல் தொழில்நுட்பம், பொறியியல் கணிதம் (ஸ்டெம்) குறித்த ஒரு நாள் பயிற்சி வகுப்பு கிருஷ்ணகிரி அரசு மகளிர் மேல்நிலைப்பள்ளியில் நடந்தது. மாவட்ட கல்வி அலுவலர் மணிமேகலை பயிற்சியை தொடங்கி வைத்தார். பள்ளியின் தலைமை ஆசிரியர் மகேந்திரன் வரவேற்றார். மாவட்ட ஒருங்கிணைந்த பள்ளி கல்வி ஒருங்கிணைப்பாளர் நாராயணன் பயிற்சி குறித்து பேசினார்.

இந்த நிகழ்ச்சியில், மாவட்ட உதவி திட்ட ஒருங்கிணைப்பாளர் வடிவேல், தமிழ்நாடு அறிவியல் இயக்க மாநில செயலாளர் சேதுராமன், மாவட்ட தலைவர் சர்ஜான், செயலாளர் சந்தோஷ், இந்திய வளர்ச்சி கழக மாவட்ட ஒருங்கிணைப்பாளர் சங்கர், மாவட்ட முதன்மை கல்வி அலுவலரின் நேர்முக உதவியாளர் பிரபாகரன் ஆகியோர் பயிற்சி அளித்தனர். வட்டார கல்வி அலுவலர் ஜார்ஜ், மாவட்ட ஒருங்கிணைப்பாளர் சம்சு ஆகியோர் பயிற்சியை ஒருங்கிணைத்தனர்.

இதில் ஸ்டெம் திட்டம் பற்றிய அறிமுகம், செயல்பாடு, தொடர் பணிகள் போன்றவை பற்றி விரிவாக பயிற்சி அளிக்கப்பட்டது. மேலும் ஸ்டெம் திட்டம் குறித்த விழிப்புணர்வு நோட்டீசு வழங்கப்பட்டது. இதில் 400-க்கும் மேற்பட்ட தலைமை ஆசிரியர்கள் மற்றும் வட்டார கல்வி அலுவலர்கள் கலந்து கொண்டனர்.