தொழில்முனைவோருக்கு திறன் மேம்பாட்டு பயிற்சி; 20-ந்தேதி தொடங்குகிறது

சின்னமனூர் அருகே காமாட்சிபுரத்தில் உள்ள சென்டெக்ட் வேளாண் அறிவியல் மையத்தில், பெண்கள் மற்றும் தொழில்முனைவோருக்கு பல்வேறு திறன் மேம்பாட்டு பயிற்சி வழங்கப்படுகிறது. அதன்படி, தொழில்முனைவோர்களை உருவாக்கும் திறன் மேம்பாட்டு பயிற்சிகள் வருகிற 20-ந்தேதி தொடங்கி, பிப்ரவரி 10-ந்தேதி வரை நடக்கிறது.

அதன்படி, திராட்சையில் மதிப்புக்கூட்டும் பொருட்கள் தயாரிப்பு பயிற்சி வருகிற 20, 21-ந்தேதிகளிலும், முருங்கை மற்றும் காய்கறி பொருட்களில் மதிப்புக்கூட்டும் பொருட்கள் தயாரிப்பு பயிற்சி 27, 28-ந்தேதிகளிலும் நடக்கிறது. வாழையில் இருந்து மதிப்புக்கூட்டும் பொருட்கள் தயாரித்தல் மற்றும் தொழில்நுட்ப பயிற்சி 31-ந்தேதி, பிப்ரவரி 1-ந்தேதி ஆகிய 2 நாட்கள் நடக்கிறது. தென்னை மற்றும் தானியங்களில் இருந்து மதிப்புக்கூட்டும் பொருட்கள் தயாரிப்பு பயிற்சி 7, 8-ந்தேதிகளிலும், மா சாகுபடி மற்றும் மதிப்புக்கூட்டும் பொருட்கள் தயாரிப்பு பயிற்சி 9, 10-ந்தேதிகளிலும் நடக்கிறது.

இந்த பயிற்சி காலை 9.30 மணி முதல் மாலை 5 மணி வரை நடக்கும். பயிற்சி கட்டணம் ரூ.200. பயிற்சி முடித்தவுடன் சான்றிதழ் வழங்கப்படும். அரசு மானியம் பெற வழிவகை செய்வதோடு, வங்கிக்கடன் பெற சென்டெக்ட் ஈட்டுறுதி கடன் வழங்கப்படும். பயிற்சியில் சேர cendect@gmail.com என்ற மின்னஞ்சல் மூலம் முன்பதிவு செய்ய வேண்டும். இத்தகவலை சென்டெக்ட் வேளாண் அறிவியல் மைய தலைவர் பச்சைமால் தெரிவித்தார்.