பழனியில் பள்ளி ஆசிரியர்களுக்கு பயிற்சி

பழனி வட்டார அளவில் தொடக்கப்பள்ளி ஆசிரியர்களுக்கான பயிற்சி முகாம் பழனியில் நேற்று தொடங்கியது. நகராட்சி மேல்நிலைப்பள்ளி வளாகத்தில் நடந்த முகாமில் பழனி வட்டாரத்தை சேர்ந்த தொடக்கப்பள்ளி ஆசிரியர், ஆசிரியைகள் பலர் கலந்துகொண்டனர்.

3 நாட்கள் நடைபெற உள்ள முகாமில், மாணவர்களின் கற்றல் திறனை மேம்படுத்தும் வகையில் 'எண்ணும் எழுத்தும்' என்ற தலைப்பில் பயிற்சி அளிக்கப்படுகிறது. மேலும் எளிய முறையில் கற்பித்தல், கற்றல் மேம்பாட்டு முறைகள் குறித்து விளக்கப்படுகிறது. நேற்று நடந்த பயிற்சியில் வட்டார கல்வி அலுவலர்கள் ரமேஷ்குமார், ஆனந்தம் மற்றும் இல்லம் தேடி கல்வி பொறுப்பாளர் பெஞ்சமின் உள்பட பலர் கலந்துகொண்டனர்.