போலீசாருக்கான பணிமாறுதல் கலந்தாய்வு

திருப்பத்தூர் மாவட்டத்தில் உள்ள போலீஸ் நிலையங்களில் பணிபுரிந்து 3 ஆண்டுகள் நிறைவு பெற்ற காவல்துறையினரை மாவட்டத்தில் உள்ள வேறு காவல்நிலையங்களுக்கு பணியமர்த்துவதற்கான வெளிப்படையான பணி மாறுதலுக்கான ஆலோசனைக் கூட்டம் பால்நாங்குப்பம் அருகே உள்ள தனியார் திருமண மண்டபத்தில் நடைபெற்றது.

கூட்டத்திற்கு மாவட்ட காவல் கண்காணிப்பாளர் கே.எஸ்.பாலகிருஷ்ணன் தலைமை தாங்கினார். இதில் மூன்று ஆண்டுகள் ஒரே காவல் நிலையத்தில் பணிபுரிந்த 138 போலீசார் தாங்கள் பணிபுரிய விரும்பும் போலீஸ் நிலையங்களை பணிமூப்பு தரவரிசை அடிப்படையிலும், காலி பணியிடங்களின் அடிப்படையிலும் தேர்வு செய்தனர். இதில் மாவட்ட கூடுதல் போலீஸ் சூப்பிரண்டு புஷ்பராஜ், துணை சூப்பிரண்டுகள், இன்ஸ்பெக்டர்கள், அமைச்சுப் பணியாளர்கள், சப்-இன்ஸ்பெக்டர்கள் உள்ளிட்ட போலீசார் பலர் பங்கேற்றனர்.