புதிய மின்சார டிரான்ஸ்பார்மர்

குருபரப்பள்ளி:

கிருஷ்ணகிரி ஒன்றியம் குருபரப்பள்ளி அருகில் கங்கசந்திரம் கிராமத்தில் 150 வீடுகள் உள்ளன. இங்கு பல ஆண்டுகளாக மின்சாரம் பற்றாக்குறை இருப்பதாகவும், புதிய டிரான்ஸ்பார்மர் அமைக்க வேண்டும் என்றும் அப்பகுதி மக்கள் கோரிக்கை விடுத்து வந்தனர். இதையடுத்து கங்கசந்திரம் கிராமத்தில் 63 கே.ஏ.வி. டிரான்ஸ்பார்மர் அமைக்கப்பட்டது. இந்த புதிய டிரான்ஸ்பார்மரை அசோக்குமார் எம்.எல்.ஏ. பொதுமக்களின் பயன்பாட்டிற்காக தொடங்கி வைத்தார்.

இந்த நிகழ்ச்சியில், மின்வாரிய கண்காணிப்பு பொறியாளர் ஆஞ்சலா சகாயமேரி, உதவி பொறியாளர் சரவணன், கிருஷ்ணகிரி கிழக்கு ஒன்றிய செயலாளர் கண்ணியப்பன், வேப்பனஅள்ளி மேற்கு ஒன்றிய செயலாளர் சைலேஷ் கிருஷ்ணன், குருபரப்பள்ளி ஊராட்சி மன்ற தலைவர் கோவிந்தசாமி, கவுன்சிலர் திம்மராஜ், பாசறை ஒன்றிய செயலாளர் கிருஷ்ணன், நிர்வாகிகள் கார்த்திக் பால்ராஜ் உள்பட பலர் கலந்து கொண்டனர்.