திருநங்கைகள் முன்மாதிரி விருதுக்கு விண்ணப்பிக்கலாம்

தமிழ்நாடு அரசின் சமூக நலத்துறையின் கீழ் ராணிப்பேட்டை மாவட்டத்தில் திருநங்கைகளுக்கு திருநங்கையர் தினமான ஏப்ரல்மாதம் 15-ந் தேதி 2023-ம் ஆண்டிற்கான முன்மாதிரி விருது வழங்கப்பட உள்ளது. திருநங்கைகளை ஊக்குவிக்கும் முன்மாதிரி விருதானது ரூ.1 லட்சம் காசோலை மற்றும் சான்று ஆகியவற்றுடன் வழங்கப்பட்டு வருகிறது. இவ்விருதுக்கான விண்ணப்ப விவரங்கள் தமிழக அரசின் விருதுகள் இணையதளத்தில் (awards.tn.gov.in) பதிவு செய்யப்பட்டுள்ளது.

விண்ணப்பங்கள் வந்துசேர வேண்டிய கடைசி நாள் வருகிற 28-ந் தேதி ஆகும். இந்த விருதுபெற அரசு உதவி பெறாமல் தானாக சுயமாக வாழ்க்கையில் முன்னேறி இருத்தல் வேண்டும். குறைந்தது 5 திருநங்கைகளுக்காவது அவர்கள் வாழ்க்கையில் முன்னேற உதவியிருக்க வேண்டும். திருநங்கைகள் நல வாரியத்தில் உறுப்பினராக இருத்தல் கூடாது. உரிய முறையில் இணையதளம் மூலமாகப் பெறப்படும் விண்ணப்பங்களை மட்டுமே ஏற்றுக்கொள்ளப்படும்.

இந்த தகவலை கலெக்டர் வளர்மதி தெரிவித்துள்ளார்.