மணல் கடத்திய 3 லாரிகள் பறிமுதல்

ஓசூர்

ஓசூர் தாசில்தார் கவாஸ்கர் மற்றும் அதிகாரிகள் சீதாராம் மேடு பகுதியில் வாகன சோதனையில் ஈடுபட்டனர். அப்போது அந்த பகுதியில் நின்ற 3 லாரிகளை சோதனை செய்தனர். அந்த லாரிகளில் தலா 6 யூனிட் வீதம் மொத்தம் 18 யூனிட் எம்.சாண்ட் ஓசூரில் இருந்து மூக்கண்டப்பள்ளிக்கு அனுமதியின்றி கடத்தி சென்றது தெரிய வந்தது. இதுகுறித்து தாசில்தார் கொடுத்த புகாரின் பேரில் ஓசூர் டவுன் போலீசார் வழக்குப்பதிவு செய்து 3 லாரிகளையும் பறிமுதல் செய்தனர். மேலும் டிரைவர்கள், உரிமையாளர்கள் குறித்து போலீசார் விசாரணை நடத்தி வருகின்றனர்.