அடையாளம் தெரியாத வாகனம் மோதி மூதாட்டி சாவு

திருவையாறு;

திருவையாறு அடுத்த திருவாழம்பொழில் அம்பலகார தெருவை சேர்ந்தவர் வெள்ளையம்மாள் (வயது65). நேற்று முன்தினம் இரவு 8 மணி அளவில் திருக்காட்டுப்பள்ளி கண்டியூர் மெயின் ரோட்டில் திருவாலம்பொலில் ஊராட்சிமன்ற அலுவலகம் எதிரில் வெள்ளையம்மாள் நடந்து சென்று கொண்டிருந்தார். அப்போது அந்த வழியாக வந்த அடையாளம் தெரியாத வாகனம் வெள்ளையம்மாள் மீது மோதியது. இதில் தலையில் பலத்த காயமடைந்த அவர் திருவாலம் பொழில் அரசு ஆரம்ப சுகாதார நிலையத்தில் முதலுதவி சிகிச்சை பெற்று மேல் சிகிச்சைக்காக தஞ்சாவூர் அரசு மருத்துவமனைக்கு செல்லாமல் வீட்டிற்கு சென்று விட்டார். இந்த நிலையில் நேற்று காலை வீட்டில் வெள்ளையம்மாள் இறந்துவிட்டார். இது குறித்து நடுக்காவேரி போலீசார் வழக்குப்பதிவு செய்து விசாரணை நடத்தி வருகிறார்கள்.