சாணார்பட்டி அருகே குளத்தில் முதியவர் பிணம்

சாணார்பட்டி அருகே கூ.குரும்பபட்டியில் உள்ள பீச்சாங்குளத்தில் இன்று மதியம் 60 வயது மதிக்கத்தக்க முதியவர் இறந்தநிலையில் பிணமாக மிதந்தார். இதனை பார்த்த அக்கம்பக்கத்தினர் சாணார்பட்டி போலீஸ் நிலையத்திற்கு தகவல் தெரிவித்தனர். அதன்பேரில் சம்பவ இடத்துக்கு வந்த போலீசார், தீயணைப்பு படைவீரர்கள் உதவியுடன் முதியவரின் உடலை கைப்பற்றி பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனர்.

குளத்தில் இறந்து கிடந்த முதியவர் வெள்ளை சட்டையும், கட்டம்போட்ட கைலியும் அணிந்திருந்தார். ஆனால் அவர் யார்? எந்த ஊரை சேர்ந்தவர்? என்பது தெரியவந்தது. இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.