சீதளா தேவி மாரியம்மன் கோவிலில் வைகாசி மாத சிறப்பு வழிபாடு

திருக்கடையூர்:

திருக்கடையூர் அருகே ஆக்கூரில் சீதளாதேவி மாரியம்மன் கோவில் உள்ளது. இக்கோவிலில் உள்ள சீதளாதேவி அம்மனை வழிபட்டால் திருமணத்தடை நீங்கும் என்பதும், குழந்தை பாக்கியம் உள்பட பக்தர்களின் வேண்டுதல்கள் நிறைவேற்றப்படும் என்பது ஐதீகம். பல்வேறு சிறப்புகள்ளுடைய இக்கோவிலில் வைகாசி மாதம் ஞாயிற்றுக்கிழமையை முன்னிட்டு சிறப்பு பூஜைகள் நடைபெற்றது. இதனை முன்னிட்டு சீதளாதேவி மாரியம்மனுக்கு பால், சந்தனம், இளநீர், பன்னீர், மஞ்சள் மற்றும் பல்வேறு வாசனை திரவிய பொருட்களால் சிறப்பு அபிஷேகம் செய்யப்பட்டது. தொடர்ந்து எலுமிச்சை பழம் மாலை, மலர் மாலை அணிவித்து சிறப்பு அலங்காரம் செய்யப்பட்டது. பின்னர் வேத மந்திரங்கள் முழங்க மகாதீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.